Закрыть
Логин:
Пароль:
Забыли свой пароль?

Войти    

Тываның Баштыңы биле Россияның спорт сайыды Каа-Хем суурда спортчу-культура төвүнүң тудуун доозарының ажылдарын дугурушкан

Тываның Баштыңы биле Россияның спорт сайыды Каа-Хем суурда спортчу-культура төвүнүң тудуун доозарының ажылдарын дугурушкан 06.03.2019
Март 5-де, Россия Федерациязының Спорт яамызынга, ведомствонуң удуртукчузу Павел Колобков биле Тыва Республиканың Баштыңы Шолбан Кара-оол ажыл албан аайы-биле ужурашкан. Оларның чугаазының кол темазы – Каа-Хем суурда улуг спорт төвүнүң тудуун доозары болган. 
«Ол регионга дыка херек чугула объект – деп, Павел Колобков демдеглээн. – Чеди муң көрүкчү кирер олуттуг ол объект Ханты-Мансийскиде тутканывыс тудуг ышкаш болуп турар. Бо чоокку чылдарда ооң тудуун доозуптар боор бис. Бүгү Тывага улуг белек кылдыр ону дүрген доозар».  
«Спортчу төп биске дыка улуг ужур-дузалыг, аңаа хүрешке, ийи кижиниң спортчу оюннарынга, ча адырынга белеткелди чорудар. Тываның спортчулары спорттуң ол хевирлеринде Россияның чыынды командазын төлээлеп турарлар. Чыынды командаларда чүс ажыг кижи киржип турары дээрге, бистиң ышкаш бичии регионга улуг чедиишкин» – деп, Шолбан Кара-оол дыңнаткан. 
Россияның Спорт яамызының деткимчези-биле, сөөлгү чылдарда регионда 20 ажыг чаа спортчу объектилер ажыглалда киргенин, оларның санында футбол шөлдери база бассейннер бар деп, Тываның Баштыңы дыңнаткан.

Возврат к списку