Закрыть
Логин:
Пароль:
Забыли свой пароль?

Войти    

Тываның Баштыңы мал ажыл-агыйларын суг-биле хандырар даалганы берген

Тываның Баштыңы мал ажыл-агыйларын суг-биле хандырар даалганы берген 11.03.2019
Хар эвээш база час эрте дүшкени-биле Тываның малчыннары сугга бергежидип болур. Тываның Баштыңы Шолбан Кара-оол бөгүн эрттирген аппарат хуралында, чавызааш черлерде хар эрип каанындан, а хемнер, сугларның доштары ам-даа эривээнинден, малга суг айтырыы бергедеп болурун чугаалаан.  
Республиканың агроүлетпүр комплекизиниң өзээн тургускан хой база өшкү ажыл-агыйларында мал оолдаашкыны түлүктеп эгелээни-биле ол айтырыг улам бергедээр. Бо чылын 673 449 баш төрүүр хой, өшкүден чаш малды онча-менди камгалап алыр ужурлуг. Малдың чаш төлүн 80 хуу камгалап алыры планнаттынган. Даглыг черниң агаар-бойдузунуң уржуундан планның кудулаашкынын болдурбас.  
«Малды суг-биле канчаар хандырарыл – бөгүнде малчыннарның эң кол айтырыы ол. Көдээ ажыл-агый яамызы бүгү ажыл-агыйларже, хуу кижилерже база, суг сөөртүлгезиниң айтырыын шиитпирлээр херек. Малчыннарның дуза дилээрин манап олурбаңар. Боттарының уткуй базыңар! Малдың одарын, турар черин база байдалын өөренип көргеш, боттуг хемчеглерден алыр» - деп, республика баштыңы Шолбан Кара-оол Көдээ ажыл-агый яамызының база кожууннар чагыргаларының удуртулгазынга сагындырган.

Возврат к списку