Закрыть
Логин:
Пароль:
Забыли свой пароль?

Войти    

Тываның девискээринде уругларның айыыл чок айын марттың 15-тен чарлаан

Тываның девискээринде уругларның айыыл чок айын марттың 15-тен чарлаан 18.03.2019
Тыва Республиканың Чазаанда Назы четпээннер херектери болгаш оларның эргелерин камгалаар ведомстволар аразының комиссиязының доктаалы-биле, 2019 чылдың март 15-тен апрель 15-ке чедир, Тыва Республиканың девискээринде өөреникчилерниң амыдырал-чуртталгазынга айыыл чок байдалдарны хандырып, назы четпээннерниң хайгаарал чогунга база корум-чурум үрээшкиннеринге удур профилактика ажылдарын күштелдирер сорулга-биле, Тыва Республиканың девискээринге Уругларның айыыл чок чоруунуң айын чарлаан (дараазында – айыыл чок чорук айы).  
Айыыл чок чоруктуң айында бичии уругларның орук-транспорт айыыл халавынга берттинип-кемдээрин, назы четпээннер ортузунда корум-чурум үрээшкиннерин болгаш хайгаарал чок чоруурун, оларга хамаарыштыр каржы-хажагай чорукту болдурбас, суглар-хемнерге уругларның айыыл чок чоруунуң, Интернетти шын ажыглаарының, назы четпээннерниң амы-хууда медээлерин камгалаарының болгаш террорга база өртке удур угланыышкынныг хемчеглерни планнаан.  
Өөредилге черлеринге, бажыңынга база кудумчуга уругнуң алдынарының чурумнарын база айыыл чок чоруктуң билиглерин назы четпээннер болгаш ада-иелер ортузунга нептередип, профилактиктиг чугааларны ол хүннерде чорудар.  
Тыва Республиканың ИХЯ корум-чурум камгалаар структураларының, Россияның ОБЯ Тыва Республикада кол эргелелиниң, Росгвардияның, Тыва Республикада ХК база ОБ албанының төлээлери шалыпчы айның хемчеглерин эрттиржир. «Республиканың кижизидилге болгаш корум-чурум профилактиказының төвү» ТР-ниң НПӨ КБА комплекстиг айыыл чок чорук килдизи айыыл чок чорук айын башкарар орган болур (Кызыл хоорай, Дружба кудумчузу, б. 50, тел. 2-77-28, эл. почта: complbez@mail.ru).

Возврат к списку