Закрыть
Логин:
Пароль:
Забыли свой пароль?

Войти    

Тывада хөй ажы-төлдүг хамаатыларга ажылчын олуттар тургусканы дээш субсидияларны бээр

Тывада хөй ажы-төлдүг хамаатыларга ажылчын олуттар тургусканы дээш субсидияларны бээр 26.03.2019
Тываның эрге-чагыргазы хөй ажы-төлдүг кижилерге ажылчын олуттарны аңгылаан сайгарлыкчыларга болгаш организацияларга субсидиялары тыпсыр. Ажыл берикчизи бир ажылчын олутту-ла тургусканы дээш бюджеттен 150 муң рубль хемчээлдиг субсидияны алыр. 
Бөгүн Тываның Күш-ажыл яамызының тускай комиссиязы субсидияже кордакчыларның конкурс шилилдезиниң түңнелин үндүрген. Хөй ажы-төлдүг ада-иелерни ажылче хаара тудары-биле 38 чаа ажылчын олутту тургускан ажыл берикчилериниң 23 чагыы чыл эгезинден эгелеп конкурс комиссияже киргенин яамы дыңнаткан. 
Жюри 11 ажылчын олутту тургускан 9 чагыгны чүүлдүгзүнүп, деткээн. Ол дээрге, даааныр, чем кылыр, механик, автослесарь ажылчын олуттар-дыр. Оон аңгыда, хой кыргыыр үеде ажыл чок кижилерни түр ажылче хаара тудар. Субсидияларны тускай дериг-херекселдер садарынга база ажылчын олттарны дерииринге ажыглаар. 
ТР-ниң Күш-ажыл яамызы, оон аңгыда, ажыл чок хамаатыларның боттарының бизнезин ажыдар күзелдиг сайгарлыкчы инициативаларын база көрген. 54 кижи бизнес-планнарын камгалаан. Хөй ажы-төлдүг ада-иелерниң база чаа хосталган хамаатыларның төлевилелдеринче онза кичээнгейни углаан.  
Комиссия хөй ажы-төлдүг үш, инвалид ийи база чаа хосталган ийи кижиниң чагыынга күрүне деткимчезин көргүзер деп шиитпирлээн. Амгы үеде специалистер төлевилелдерниң социал керээлерин чарары-биле, сметазын тодарадыр ажылдарны кылып турар. Тываның Чазаандан 2019 чылда ажыл чок 23 хамааты бодунуң бизнезин ажыдарынга дузаны алыр.

Возврат к списку