Закрыть
Логин:
Пароль:
Забыли свой пароль?

Войти    

Республика чазааның даргазының оралакчызында Валентин Енданны томуйлаан

Республика чазааның даргазының оралакчызында Валентин Енданны томуйлаан 15.04.2019
Валентин Ендан агроүлетпүр комплекизиниң хөгжүлдези дээш харыылаар. Тываның көдээ ажыл-агый сайыдынга ажылдап чораан, амгы үеде Кызыл кожууннуң удуртукчузу Валентин Ендан республика чазааның даргазының оралакчызынга томуйлаткан. Республика Баштыңы Шолбан Кара-оол понедельникте хуралда ооң дугайында дыңнаткан. 
"Ажылды кончуг эки билир, арга-дуржулгалыг кижи херек деп чүвени билгеш, Кызыл кожуунче ажылдадып чоруткан бодум коллегам, үежим Ендан Валентин Ивановичини чазакче кээрин дилээн кижи мен" – деп, республика баштыңы чугаалааш, регион чазааның даргазының оралакчызынга томуйлаар дугайында чарлыкка атты салганын дыңнаткан. Ам В. Ендан агроүлетпүр комплекизиниң хөгжүлдезин харыылаар.  
53 харлыг В. Ендан 2012 чылдан бээр кожуунну удуртуп турар. 2001 - 2005 чылдарда республиканың көдээ ажыл-агый болгаш аъш-чем яамызынга килдис начальниктеп, сайыттың бирги оралакчызынга ажылдаан арга-дуржулгалыг. Оон арага продукциязынга монополияны хандырар албанның удуртукчузу, Тываның көдээ ажыл-агый сайыды, республика чазааның даргазының оралакчызы бооп ажылдап чораан. 
 tass.ru

Возврат к списку