Закрыть
Логин:
Пароль:
Забыли свой пароль?

Войти    

Тываның Баштыңы май байырлалдарын организастыг эрттирерин дааскан

Тываның Баштыңы май байырлалдарын организастыг эрттирерин дааскан 29.04.2019
Тываның Баштыңы Шолбан Кара-оол май байырлалдарын организастыг эрттирерин хандырар даалганы берген. Ажылчы чон 10 хонук дыштаныр. Бүгү деңнелдиң удуртукчуларынга ол улуг харыысалга дээрзин демдеглээн. 
«Бирги удуртукчулар ажылчын ритмни салбайн, удуртулганы хевээр тудар. Ооң-биле чергелештир Май 1-ниң база Май 9-туң чыскаалдарын, он хонуктуң дургузунда культура-массалыг болгаш спортчу хемчеглерни чогуур деңнелге эрттирер, арага продукциязын хоойлуга чөрүштүр садарын болдурбас дээш контрольду шыңгыырадыр дээн ышкаш, харыысалгалыг хемчеглер хөй” – деп, ол чугаалаан. 
Көдээ ажыл-агыйының ажылдакчылары, тудугжулар, корум-чурум камгалаар органнарның, ХК база ОБ албанының, арга-арыг өрттеринге удур албанның база культура ажылдакчылары, спортчу хемчеглер организаторлары ол хүннерде кидин-түлүк ажылдаарлар. 
«Байырлал хүннерин организастап эрттирериниң чуруму шуптузунга билдингир, чаа чыл байырлалдарында ышкаш дээштиг ажылдаар. Республика чазаанда болгаш муниципалитеттерде шупту удуртукчулар дежурныйлаар харыысалгалыг кижилерни графиктеп тургузар, ЕДДС-ти хаара тудар. Шупту удуртукчулар бодунуң девискээрлеринге турар ужурлуг” – деп, Шолбан Кара-оол даалганы берген.
Удуртукчулар культура-массалыг хемчеглерге боттары киржип, арга-арыгже хамаатыларның кирерин кызыгаарлаанын тайылбырлап, арга-арыг чоогунга постуларны тургузуп, ДНД-ни организастап, “адрестерже” рейдилерни кылып, огород ажылынче чонну хаара тудар ужурлуг деп сагындырган. 
Чедимче чок өг-бүлелерде назы четпээннерни хайгааралга ап, херек апарза социал албан черлеринге чыттырар херек. Уругларның айыыл чок чоруу – эң чугула деп айыткан.

Возврат к списку