Закрыть
Логин:
Пароль:
Забыли свой пароль?

Войти    

Тываның Баштыңы РФ-тиң агаар-космиктиг күштериниң кол командалыкчызының оралакчызы-биле регион авиациязын хөгжүдер айтырыгларны сайгарып чугаалашкан

Тываның Баштыңы РФ-тиң агаар-космиктиг күштериниң кол командалыкчызының оралакчызы-биле регион авиациязын хөгжүдер айтырыгларны сайгарып чугаалашкан 30.05.2019
Россияның агаар-космиктиг күштериниң кол командылакчызының оралакчызы, генерал-майор Забит Хеирбеков ажыл албан аайы-биле Тывада келген. Тываның Баштыңы Шолбан Кара-оол аалчы-биле кады 55-ки мото-адыгжы бригада болгаш вертолет эскадрильязының кезээнге четкен.
 Республика Баштыңы социал четкилерде бодунуң арынында, кол командылакчының оралакчызының келген чылдагаанын дыңнаткан. Ол бригаданың чаа өөредилге төвүн көрүп, дайынчы белеткелдиң тергииннерин шаңнап, ында керээ-биле албан эрттирип турар дайынчы, хостуг хүрешке Россияның чыынды командазының кежигүнү, делегей чемпиону Начын Кууларга прапорщик эргени тывыскан.  
Республика Баштыңы генерал-биле тус чер авиациязын хөгжүдер айтырыгны база чугаалашкан. 55-ки бригаданың вертолет эскадрильязының бөгүнде баазазы болур “Кызыл” аэропорт комплекизин кады тудар арганы өөренип көөрүн Забит Хеирбеков аазаан. 
Шолбан Кара-оол оон аңгыда, авиация-биле амыдыралын холбаар күзелдиг оолдарны чажында-ла шилээш, Президентиниң кадет училищезиниң авиация класстарынга өөредип болур саналы-биле аалчыны сонуургаткан.  
«Шериг база хамааты авиацияга Тываның бодунуң хартыгаларын өстүрер дээш, Президентиниң кадет училищезинге ужудуушкун класстарын ажыдар идеяны кады бурунгаарлап шенээр болдувус” – деп, ол бодунуң блогунда бижээн.

Возврат к списку