Закрыть
Логин:
Пароль:
Забыли свой пароль?

Войти    

Тываның Кадык камгалал яамызының кичээнгейинде - «Кадыкшыл маршруду” губернатор төлевилели

Тываның Кадык камгалал яамызының кичээнгейинде - «Кадыкшыл маршруду” губернатор төлевилели 06.06.2019
Эрткен чылын көдээ суурларны хөгжүдер программа күүселдезинче “Кадыкшыл маршруду” төлевилелди угландырган. Төлевилел күүселдези-биле 56 үнүүшкүннерни кылган. Ооң 52-зи биче суурларже угланган.
2018 чылдың мартта Тоора-Хем суурга эртип турган ивижилер байырлалында, федералдыг эмчи-биологтуг агентилелден экспедиция-биле эмчилер бригадазы кады ажылдаан. 90 хире ивижилерни болгаш оларның өг-бүлелерин шинчээн. Аңчы боо ажыглаарынга чөпшээрел алыр дээш 10 кижи эмчи шинчилгезин эрткен.
Чыл дургузунда губернатор төлевилели-биле 30377 кижини, ооң аразында 19181 бичии уругларны шинчээн. Республиканың эмнелге албан черлеринге 5045 уругга немелде эмчи шинчилелдерин чоруткан, ооң түңнелинде 552 уруг эмнээшкинни алган. Санаторлуг-курорт организацияларынче 2821 уругну аъткарган. 
“Аныяк өг-бүлеге кыштаг” база “Чемгерикчи инек малым” төлевилелдер талазы-биле ажылдар уламчылаан. Эмчилер төлевилел киржикчилери болур 681 улуг база 1245 бичии уругну шинчээн. 299 кижи азы 48 хуузу кадык, а 165 кижиниң кадыы багай дээрзин шинчилелдер түңнээн. Шинчиткен 157 кижиниң азы 25 хуузу янзы-бүрү аарыгларлыг. Бичии уругларның 41 хуузу азы 498 кижи кадыкшылдың 1-ги бөлүүнге хамааржыр болган. А 547 кижиге азы 45 хуузунга эмнээшкиннер херек.  
Төлевилелдиң 86 киржикчизи немей шинчидип, республиканың эмнелге албан черлеринге эмнеткен. «Серебрянка» санаторийге 7 кижи кадыкшылылын быжыктырган. Республикадан дашкаар санаторий, курорттарга 42 чаштар дыштанган.

Возврат к списку