Закрыть
Логин:
Пароль:
Забыли свой пароль?

Войти    

Кызылдың аэропорту 2019 чылда делегей чергелиг деп статусту алыр чадавас

Кызылдың аэропорту 2019 чылда делегей чергелиг деп статусту алыр чадавас 10.06.2019
САНКТ-ПЕТЕРБУРГ, июнь 8. /ТАСС/. Тываның кол агаар эжии - Кызылдың аэропорту бо чылын делегей чергелиг деп статусту алыр чадавас. Республика Баштыңы Шолбан Кара-оол, субботада Петербургтуң делегейниң экономиктиг форумунга (ПМЭФ) киржип тура, ооң дугайында дыңнаткан.
 "Сибирьниң сайгарлыкчыларынга Чөөн Азияже хаалганың ажыттынары-дыр, бистиң кожаларывыс моолдар ону дыка сонуургап турар. Хуу структуралар-биле дугуржулгаларывыс база бар, олар Пекинче угну ажыдарынга белен. Бо чылда делегей чергелиг рейстерни хүлээп алыр чөпшээрелди аптар боор бис” – деп, Ш. Кара-оол чугаалаан. 
2015 чылдан 2018 чылга чедир аэропорттуң ужуп-хондурар шөлүн болгаш ажыл-агыйын бүрүнү-биле чаарткан соонда, ам аэродромну болгаш ооң операторун сертификастаар ажыдар чоруп турар. Кызыгаар албанының талазындан эрттирилге пунктузун база делегей терминалын тускай дериг-херекселдер-биле дериир. 
2018 чылда аэропорттуң ужудуп-хондурар шөлдерин чаарткан, кандыг-даа хевирниң самолеттары аңаа хонуп болур. Аэровокзал тудуу база доозулган. Ынаар ниитизи-биле 3 млрд хире рубльди чарыгдаан.

Возврат к списку