Закрыть
Логин:
Пароль:
Забыли свой пароль?

Войти    

Тываның Баштыңы РФ субъектилериниң дээди албан-дужаалын ээлээн кижилерниң семинар-хуралында киржип турар

Тываның Баштыңы РФ субъектилериниң дээди албан-дужаалын ээлээн кижилерниң семинар-хуралында киржип турар 26.06.2019
Тываның Баштыңы Шолбан Кара-оол РФ-тиң субъектилериниң дээди албан-дужаалдыг кижилеринге “Автооруктарның национал четкизин хөгжүдери база айыыл чок орук шимчээшкинин организастаарының дугайында” деп темалыг РФ-тиң Күрүне чөвүлелиниң семинар хуралында киржип турар.  
Ол июнь 24-25 хүннеринде эртер. Семинар хуралдың ажылында айыыл чок орук шимчээшкинин организастаар база автомобиль оруктарын тудар айтырыглар талазы-биле даштыкы эксперттерниң лекциялары болур. 
Элээн каш регионнарның удуртукчуларынга Россия Федерациязының Президентизиниң Өөрүп четтириишкин бижиктерин тывыскан. Тыва Республиканың Баштыңы Шолбан Кара-оол российжи ниитилелдиң ниитилел-политиктиг амыдыралынга идепкейлиг киржилгези дээш Россияның Президентизи Владимир Путинниң Өөрүп четтириишкининге төлептиг болган. 
«Күрчөвүлел хуралының бүдүүзүнде семенар өөредилгеге чыылдывыс. Өске коллегаларым-биле кады бисти, тываларны, чурттуң Президентизи өөрүшкү-биле демдеглээнин сеткил ханыышкын-биле хүлээп алдым” – деп, Тываның Баштыңы сагыш-сеткилин үлешкен.

Возврат к списку