Закрыть
Логин:
Пароль:
Забыли свой пароль?

Войти    

Тываның Баштыңы чурттакчы чоннуң чидиг айтырыгларын бөлүктээн

Тываның Баштыңы чурттакчы чоннуң чидиг айтырыгларын бөлүктээн 31.07.2019
Тываның Баштыңы Шолбан Кара-оол республиканың элээн каш суурларын эргээн соонда, тус черлерниң чонун дүвүреткен элээн каш чидиг айтырыгларны бөлүктээн. 
"Чидиг айтырыглары элээн каш угланыышкыннарга тускайладым. Бичии суурларда турум эвес чырык хандырылгазының айтырыы, электри ажыл-агыйларының байдалы – бирги айтырыг ол.  
Ийиги угланыышкын - амыдырал-чуртталганың шынары, ачы-дузаларның чедингири, суг хандырылгазы-биле холбашкан. Регион удуртукчузунуу-биле алырга, кудумчулар чаагайжыдылгазы, уруглар садтарының, культура одагларының байдалы база суурларда культура төптериниң бары чонну дүвүредип турар. 
"Үшкү черде – амыдырал байдалы берге кижилерни боттуг дуза-биле деткиириниң айтырыглары кирген. Социал деткимче дээрге, социал төлевилелдерни чүгле деткип, пособиелер төлээри эвес, а дузага хереглелдиг өг-бүлелер-биле сырый ажылдап, оларның ажы-төлүн онза хыналдага алыры-дыр” – деп, Шолбан Кара-оол демдеглээн. 
Хөмүрге чиигелделиг өртек - дөрткү угланыышкын болур деп, республика баштыңы айыткан. "Чурттакчы чонга чиигеткен өртек-биле хөмүр садар складтарны тургузары – чугула айтырыг, муниципалитеттер, хөмүр компаниялары-биле кады ону чедип алыр херек. Кожуун төптеринде хөмүр-даш складтарын ажылдадыр. Тывада хөй ажы-төлдүг өг-бүлелерге чылдың-на халас хөмүр берип турар “Социал хөмүр” төлевилелди ам-даа калбартыр” – деп ол бижээн. 
Республика баштыңының бодалы-биле алырга, хөмүр компаниялары-биле халас хөмүрнүң хемчээлин дугуржуп, ооң-биле чергелештир транспорт чарыгдалынга субсидияны бээри хөмүрнүң өртек-үнезин эвээжедиринге идиглиг. "Бирги оралакчыларымга ол айтырыгны онаадым. Кижилерниң дилеглерин шуптузун документилер кылдыр эде тургузар херек” - деп, Шолбан Кара-оол чугаалаан.

Возврат к списку