Закрыть
Логин:
Пароль:
Забыли свой пароль?
Войти    

Сентябрь 1 – Тывада эки-турачыларга Сактыышкынның хүнү

Сентябрь 1 – Тывада эки-турачыларга Сактыышкынның хүнү  01.09.2020
Тываның Баштыңы Шолбана Кара-оол 2015 чылда сентябрь 1-ни – Тыва Арат Республикадан фронтуже аъттанган тыва эки турачыларга сактыышкынның хүнү кылдыр чарлыы-биле доктааткан. 
Тыва Арат Республика Германияга удур дайынны чарлаан бирги даштыкы күрүне болур болгаш, Совет Эвилелинге дайынның бирги хүнүнден эгелеп дузалажып эгелээнин сагындыраал. 
Бот-догуннаан аныяк республика фашизмни чылча шаварынга бүгү алдын шыгжамырын дамчыдып, Кызыл Армияның солдаттарынга аъш-чем, идик-хеп, өлүк-кеш дээш өске-даа чүүлдер-биле дузалашкан.  
Тывадан эки-турачылар совет шериглер-биле бир деңге дайылдажып, Украина биле Белоруссияны хостаарынга киржип, Ленинград бүзээлээшкинин үзе шавышкан. 
Бистиң 20 эки-турачыларывыс Алдар ордениниң эдилекчилери, а 5,5 муң чаңгыс чер-чурттугларывыс совет болгаш тыва чазактың шаңналдарын алганнар. 2016 чылда республиканың найысылалында тыва эки турачыларга тураскаалды ажыткан.

Возврат к списку